BIFF: Borgarlønn

Sjå for deg ei verd der ingen treng eller kan arbeide. Borgarløn er eit av forslaga for å førebu oss på eit slikt tilvære. Manuelle yrke vert gradvis erstatta av maskiner. Er universell grunninntekt løysinga på framtidas arbeidsløyse?   

Borgarløn er ei vilkårslaus grunninntekt som vert utbetalt til alle i eit samfunn, uavhengig av sosial status eller arbeidsforhold. Sosialistar ser på borgarløn som eit verktøy for å motarbeida ulikskap og fattigdom. På høgresida finn ein òg dei som er positive til borgarløn, då det kan medføre kutt i byråkratiet og statlege oppgåver. Men ein ser òg utfordringar; borgarløn kan verta ei sovepute for dei svakaste i samfunnet, og ordninga er potensielt kostbar med fleire utfordringar knytt til skattleggjing og omfordeling.    

Professor i økonomi ved UiO, Kalle Moene, arbeidar med nett slike fordelingsspørsmål. Han meiner borgarløn er redninga når automatisering og robotikk tek overhand i arbeidslivet. Kalle Moene møter talsperson i Basic Income Earth Network, Øyvind Stenersen, sentralstyremedlem i Rødt, Torill Braaten og kandidat til Sametinget, Inga Evelynd Gaup hos Studentersamfunnet i Bergen.